عاشق وطن

اليوم يومك يا وطن
اليوم بعزف لك لحن
لحن الصمود .. لحن الإرادة
لحن الخلود .. وأروع شهادة
شنهو يعني لو أموت
لجلك إنت ياوطن
من حبي .. صاح السكوت
إنت لي كل الزمن
ياما تحملت الشقا والهم
ياما حضنتني وأنا أتألم
وإن ناديتني بيوم
أتناسى أو أنسى ؟
ويملا عيوني النوم ؟
ولاّ أصد وأقسى ؟

لا أبد مستحيل
إنت للحياة معنى وسبيل
تعال يا موت خذني
وعلى تراب الوطن حطني
أرددها بعالي الصوت
وسمعوني كم ناديت
عايش أنا بالموت
لو كان لجل الكويت