There was an error in this gadget

Monday, December 03, 2007

لو إنتوا

تضامنا مع مدونة بيت القرين ومن أجل التحرك في سبيل الكويت

نعيد نشر هذه الدعوة

فلو إنتوا تقولون لأ للتعديات على الأموال العامة والخاتمة تصير حفظ القضايا

ولو إنتوا تقولون لأ للتعدي على قوانين الدولة وأبرزها بهالفترة تعدي صاحب السمو طلال الفهد وجماعته

ولو إنتوا تقولون لأ للهدر بأموال الدولة بإسم اسقاط القروض

ولو انتوا تقولون لأ التصرفات الطائفية والفئوية اللي يقوم فيها الطبطبائي وغيره

ولو انتوا تقولون لأ حق جريدة الحرامية وممارستها وفتنها واكاذيبها

ولو إنتوا تقولون لأ حق الفساد اللي انتشر بالديرة بكافة المجالات

ولو انتوا تقولون لأ حق الوضع الطائفي بالجامعة

ولو انتوا تقولون لأ حق الفداوية المتيمعين حول بعض عيال الاسرة

لو إنتوا تقولون لأ حق كل هالاشياء بلا استثناء

مطلوب منكم شي بسيط جدا جدا جدالا تترددون فيه ولا تنطرون احد يسبقكم انتوا بادروا فيه وغيركم بيستمر معاكم

يوم الأربعا والخميس واليمعة اليايين 5 و 6 و 7 -12 بفترة النهار

وكل ما تطلعون بسياراتكم

شبوا الليتات بس

لا أكثر ولا اقل

ماكو ابسط من هالامر يا جماعة

خل يكون وسيلة حضارية للتعبير

لا تترددون وتعذربون فيه

3 comments:

فتى الجبل said...

آنا معاكم
بس اللي أتمناه شي أكثر وأكبر من شب الليتات اللي راح يعتبرونها وايد من الناس حركة من حركات الشباب
احنا نبي مطالبنا توصل بشكل مظاهرات سلمية مثل ما كنا أيام نبيها خمس
حتى لو مرة كل اسبوع جذي أبلغ وأحسن

عاشق وطن said...

صح كلامك اخوي وان شاء الله نستمر ونكمل

راعيها said...

أخ عاشق وطن

المسئولين عن كل اللي قلته ما راح ينظرون لسالفة الليتات بشكل جدي ... لأنهم ما يفهمون الا الصوت العالي ... مثل ما صار بجلسة القروض لما صرخ هجرس الرشيدي على أحمد باقر و سبه جان تعطي الحكومه ربعه 300 مليون دينار

انا ما اقول نصارخ و نسب ... بس احنا شنو سوينا علشان نساند أحمد باقر حتى لو كان لنا معاه اختلافات فكريه؟